مقدمة: الكثير منا يقوم باعداد ملخصات, احضار أسئلة دورات, تصوير صفحات بواسطة كمرة الموبايل وتنزيلها على الفيسبوك وبالكاد يستطيع الشخص قراءة المكتوب بالصورة, من ناحية أخرى البعض بنزل صور واضحة جدا ورائعة .. ما السبب ؟
هناك 3 أسباب :
السبب الأول هو اخطاء التصوير .. ما عندي خبرة كبيرة بالتصوير بس بتصوير الورق ما بدها هلخبرة المهم في نقاط لازم ننتبهلها بعد ما نصور الصورة نراجعها ونزوم اذا شفنا الصورة مشوشة بتكون اليد غير ثابته اثناء تصوير الصفحة وقتها لازم نرجع نصورها, لاحظت انه استعمال الفلاش بزيد من الدقة اثناء تصوير الصفحات, لازم الكمرة تكون عمودية على الصفحة وليست مائلة والصفحة تكون مسطحة مو مقعرة كبعض الصور ... والاجمل يكون الاطار مطابق للصفحة ويمكن قصه بالرسام او غير برامج علموبايل فورا في حال الامكانية .. عكل حال كل شخص اله خبرته بالتصوير المهم تكون الصورة داخل جهازك دقيقة وواضحة لانه أظن كمرة 3,2-5 ميغا بكسل كافية لجودة قوية للورق
السبب الثاني هو تقني أوقات الصورة بتكون مقلوبة عليمين او اليسار او 180 درجة والطالب بنزل الصورة على حالتها العمل بكون رديء بهلحالة تعديل وضعية الصورة كتير سهلة بالاندرويد اذا كبسنا زر الخيارات اثناء وجودنا بالالبوم داخل صورة منقدر نعمل للصورة rotate أما بالحاسوب كمان نفس الشي ومنقدر نعدل الصورة بالرسام لقص الجزء المراد نشره.
السبب التالت هو موضوعنا اليوم عن طريقة نشر الصورة على الانترنت, الفيسبوك عند رفع الصور مباشرة له بخفض جودة الصورة كتيير .. وبعض اجهزة الاندرويد تطبيق الفيسبوك فيها بعرض الصور بجودة منخفضة جدا اكثر من الفيسبوك العادي يعني بالكاد يمكن تمييز الحروف عند البعض اذا التلخيص مثلا مصور بشكل جيد .. بالأخير رفع الصور الكتابية فاشل على الفيسبوك وبخرب كل الشغل أوقات لهيك لدينا طريقتين مثاليتين أحدهما صناعة pdf وسأتطرق له بموضوع آخر يفضل صناعته اذا في ورق كتير وصور كتير أما الطريق الثانية في حال كم صورة وهي موضوعنا اليوم: الرفع على موقع آخر وهذا الموقع المفضل لدي موقع رائع وهو زبدة هذا الموضوع :
الموقع : (مشان ما يضيع ضيفوه لقائمة المفضلة بالمتصفح عندكم)
http://www.up-00.comاستعماله سهل كتير وهاد شرح مبسط اله
بالصورة 1 حدد الصور التي رايد ترفعها (لتوفير الوقت عليك)
الصورة 2 جاري الرفع (سرعة الرفع تعتمد على سرعة upload بالانترنت عندك مثلا انا سرعة ال dsl هي 512كب بتكون سرعة ال upload حوالي 25كب\ثا يعني صورة حجما 750كب بحتاج 30 ثانية ليخلص الرفع)
الصورة 3 خلص الرفع بتاخد الرابط المباشرة الي محدده بالصورة هاد الرابط بس يدخله اي شخص بالعالم بتطلع الصورة مباشرة التي انت رفعتها بنفس الجودة التي عندك .. كمثال عنه هي صورة من نوطة تشريح 2 شوفوا الدقة
http://store1.up-00.com/2014-08/1408018555891.jpgبهلصورة الحجم ضل نفسه داخل الرابط متل ما موجودة الصورة عندي
حرام الملخصات الرائعة واسئلة الدورات طلعت من الفحص وتتنزل صورها مو واضحة ابداا اوقات غير قابلة للقراءة صايرة مربعات! بكفي انو ترفعوا صور الدورة مثلا او التلخيص وتحطوا الروابط المباشرة بالبوست والطلاب بدخلوا وبستفيدوا من الصور بأعلى جودة
بتمنى تتدربوا على هلأمر قبل ما يصير وقت الجد وما حدا بملك الوقت لهيك شي .. معظم التلخيصات التي نزلت انكبت بسبب عدم امكانية رؤية المكتوب فيها.